Croeso i eryri-gwyrdd.co.uk, y safle sy'n eich cynorthwyo i ymweld â, fforio a hyfrydu mewn amgylchedd syfrdanol ac unigryw, ac i'w adael yn yr un cyflwr!

©SNPA

Mae pawb isio cyfle i ymlacio, i roi ei gyfrifoldebau beunyddiol o'r naill du am ryw hyd a chael ychydig o hwyl efo'i deulu a'i ffrindiau. Ac mae mynd i lefydd gwahanol, a phrofi diwylliannau a thirluniau gwahanol, yn ffordd wych o wneud hynny. Gyda'r holl bryderon ynglyn â'r gost carbon sy'n gysylltiedig â theithio mewn awyren, mae gwyliau yn y DG yn ddelfrydol ar gyfer y rhai hynny sy'n poeni am yr amgylchedd.

Fodd bynnag, mae ymweld â llefydd megis Eryri'n gallu bygwth yr amgylcheddau hynny sy'n eu gwneud yn llefydd mor arbennig. Mae cynefinoedd bregus, tirweddau glân a'r tawelwch i gyd dan fygythiad oherwydd y nifer cynyddol o ymwelwyr a'r cyfleusterau y maent yn eu disgwyl.

Ond peidiwch â chyffro! Gallwch wneud pethau syml i leihau effaith eich gwyliau. Os wnaiff pawb ymdrechu fod yn fwy cynaladwy, bydd y gwylltineb naturiol, yr harddwch a'r dreftadaeth ddiwylliannol yn parhau i swyno a chynnal cenedlaethau i ddod.