Dweud eich Dweud!

Nid yw'r llwybr i sicrhau busnes gwyrdd bob amser yn rhwydd.
Ydych chi wedi dod ar draws anhawster wrth geisio gwireddu cynaladwyedd?
Oes gennych chi g?yn am gynaladwyedd yr hoffech ei mynegi?

Os felly, anfonwch nodyn byr atom ac fe wnawn ei bostio ar 'Dweud eich Dweud'. Hefyd, os gallwch helpu neu os oes gennych farn am unrhyw un o'r materion a nodir, cofiwch adael i ni wybod.

'Os ydych yn ddarparwr llety ac os ydych yn cymryd yr amgylchedd o ddifrif gallwch ddod ar draws anawsterau pan fydd asesydd Croeso Cymru'n galw. Wrth gwrs, os ydych wedi sicrhau bod eich llety'n ddeniadol ac yn teimlo eich bod yn cynnig pecyn cynhwysfawr i'ch gwesteion yna eich dymuniad yw bod y graddio yn adlewyrchu'r safon hwnnw.'

'Mae 'safonau cyffredin' y graddio'n datgan yn amlwg y dylid derbyn goleuo sy'n ynni effeithiol ac nid ei gosbi ond mae hi'n ymddangos nad yw ambell i asesydd wedi darllen ei ganllawiau ei hun. Yn y misoedd diwethaf mae mwy nag un o'n darparwyr lleol wedi eu marcio i lawr oherwydd eu goleuo a dywedwyd wrthynt nad yw bylbiau ynni effeithiol "cystal". Yn bersonol, collasom ninnau bwyntiau am beidio â sicrhau bod llifoleuadau ynghynn bob amser o flaen y t? er gwaethaf ein lampau synhwyro symudiad a yrrir gan yr haul ("ddim yn ddigon llachar")! Mae bylbiau ynni effeithiol heddiw llawn mor llachar â bylbiau hen ffasiwn sy'n llyncu ynni ac yn wir, pwy yn yr oes oleuedig ohoni fyddai'n dymuno gweld llifoleuadau'n llyncu ynni a pheri llygredd golau yn ein cefn gwlad hardd?'

'Y pwnc trafod arall yw deunyddiau mewn ystafell ymolchi. Er bod eich deunyddiau'n lân ac o ansawdd da yna nid yw hyn yn ddigon gan yr asesydd os nad ydynt yn dod mewn poteli bach unigol gwastraffus. Bydd hyn yn sicrhau llai o farciau. Pam? Pam nad ydynt yn deall bod ein gwesteion, gydag ychydig o anogaeth, yn dymuno i ni ddilyn ymarferion sy'n amgylcheddol gynaliadwy? Pan fyddwch yn defnyddio poteli unigol mae gwesteion yn mynd â llawer ohonynt gartref gyda hwy ac yna'n eu gadael ar silff i hel llwch. Wrth ddefnyddio poteli mawr glân gyda falfiau sy'n arllwys y cynnwys nid yw gwesteion yn defnyddio mwy na'r hyn sydd ei angen arnynt. Llai o wastraff, llai o lorïau'n cludo llai o nwyddau, llai o ddeunydd pacio i fynd i'r domen a llai o lanastr hefyd.'

'Mae pethau bychain eraill yn peri pryder yngl?n ag ymweliadau aseswyr hefyd megis yr angen i bopeth fod yn 'newydd' a'r diffyg dealltwriaeth bod ailddefnyddio hoff bethau personol nid yn unig yn dda i'r amgylchedd ond yn sicrhau bod eich gwesteion yn teimlo eu bod yn gallu ymlacio yn eu llety. '

'Mae hi'n bryd i'r holl aseswyr ddeffro i realiti ein byd fel y mae nawr a rhoi'r gorau i gosbi'r rhai ohonom sy'n dangos cyfrifoldeb dros yr amgylchedd wrth barhau i sicrhau profiad o ansawdd uchel i'n gwesteion.'